第61屆法國國會選舉

第61屆法國國會選舉響2017年6月11號同18號舉行。

第61屆法國國會選舉
法國選舉政治專題
‹ 2012 •  • 2022 ›
2017年6月11號
選舉類型				國會
議席數目				577
選舉席次				577（過半數要289席）
			馬克龍
			社會黨
			共和黨
			瑪麗勒龐－國民陣線
			梅朗雄－左翼黨
			賈鐸－綠黨
政黨議席分佈圖
法國總理
選前 卡澤納夫 社會黨

背景

馬克龍啱啱當選法國總統，下個挑戰就係6月舉行嘅國會選舉。馬克龍從政經驗唔多，只係做過經濟部長，冇強大政黨支持。要有效施政，必須響國會五百七十七席入面攞到過半數席位，但係馬克龍嘅「前進！」運動係新成立嘅政黨，響上一屆國會冇議席，輿論估計佢比較大可能同其他政黨合作，組成聯合政府。

而馬克龍贏出總統選舉之後第二日，重未上任就已經有民眾上街，巴黎多處有人響應工會號召上街。全副武裝嘅警察築成防線，向示威者步步進逼，又出動警棍驅趕人群，有示威者被警方抬走。唔少示威者警告親商界嘅馬克龍，雖然佢攞到大多數選票贏出，但唔代表大多數人都支持佢，佢贏出係因為冇得揀先揀佢，又話佢曾經做過現任總統奧朗德嘅經濟部長，呼籲佢唔好延續過去五年嘅政策，包括改革勞工法例。

雖然未上任就要面對抗議，但國際社會普遍歡迎佢贏出。白宮話，特朗普已經響5月8號打電話恭賀馬克龍，兩個人都同意響5月25號喺比利時布魯塞爾參加北約領袖峰會嘅時候舉行雙邊會面。而德國總理默克爾就響柏林同即將卸任嘅法國總統奧朗德舉行最後一次會談，默克爾之前響記者會度話，馬克龍贏出為法國以至德國，甚至歐洲人民都帶來希望，但面對法國國內經濟低迷、失業率高企之類嘅問題，默克爾表明德國唔會入口更多外國產品減低貿易順差，又對馬克龍嘅經濟政策抱有疑慮。至於歐盟委員會主席容克亦話，法國政府開支過大，而且啲錢唔能夠用得其所，好難繼續落去。

候選人

共和前進黨！

馬克龍將「前進！」運動改名做「共和前進黨！」，而且進行架構重組，令到變得更加似傳統政黨，希望可以引到多啲國民支持，「共和前進黨！」響國會選舉入面出戰所有選區，有關名單響11號公布。