筆

筆，書寫工具，傳統上講用墨嘅筆，好似毛筆、羽毛筆、水筆、原子筆咁。不過唐字用得闊，凡可以寫得畫得都叫筆，唔理有墨無墨，好似粉筆、蠟筆。文具唔寫得都叫筆，話佢有筆形，好似擦膠筆、漿糊筆咁。

筆

有時直嘅都叫筆，筆直，直筆甩咁。鐵筆、鑿筆咁，就完全無寫嘅功用。有啲可以寫但有其他用法，好似排筆、眉筆咁。

電腦、電話、手寫板等，以手寫入資料叫觸控筆、手寫筆。

種類

畫寫用

筆可分為用墨唔用。用墨可分為點墨定自動上墨。點墨有蘆葦筆、羽毛筆、毛筆、墨水筆咁。自動上墨有原子筆、啫喱筆、針筆，不過墨水筆都有自動上墨。另一類起自箱頭筆，水筆、熒光筆、白板筆。唔用墨就直接乾色料畫上去，好似鉛筆、炭筆、鉛芯筆、顏色筆、木顏色筆、蠟筆、粉彩筆、畫筆、粉筆。

其他用

排筆，油漆用嘅掃。眉筆，化粧用嘅筆。脣膏筆，脣膏加顏色筆嘅殼，化粧用。噴筆，噴槍嘅一種。鐵筆，撬嘢用嘅架生。

史

第一支筆

冇人知一支「筆」幾時出現，可唔以叫筆都成問題。筆同畫嘢寫字分割唔來，最早畫或寫嘅嘢間接暗示一支筆嘅出現。而家搵倒最早嘅畫，響公元前三萬到二萬年嘅洞穴壁畫，響西班牙山窿 Cueva de las Monedas 裏面嘅壁畫就有三萬二千年咁耐。唔難想像啲原始人要用架生上壁度，架生或者稱得上第一支「筆」。

箱頭筆

世界上第一支箱頭筆，牌子叫「probablythe felt tip marker」。一九四〇年發明嘅。記得嘢又畫得嘢。一九五二年，Sidney Rosenthal賣佢支「魔術箱頭筆」(Magic Marker)，支筆有個擺墨玻璃樽同理毛茸茸筆芯。去到一九五八年之前，標誌用途流行，人用佢寫字同標記，寫包裹同畫海報。

文化

筆通常直，【筆】字就用來加強「直」個意思，好似【筆直】、「西裝筆挺」咁。

參考資料

• 《墨水筆鑑賞手冊》，萬里機構，ISBN 9621212679