筏可

筏可（Fat Ho，1892年—1972年），和尚一人，又有號大和尚、法師，係寶蓮禪寺方丈，香港佛教活躍之人，香港佛教聯合會創會會長。

原為中國南海西樵人，一九二四年來香港，先到青山禪院。一九三〇年，接任大嶼山寶蓮禪寺方丈。一九三二年到一九三六年，任青山禪院住持。又有份發起香港佛教聯合會，建香港佛教醫院。一九七二年圓寂。

有大徒弟明慧和尚。

生平

筏可喺鼎湖山慶雲寺，得穀琳老和尚受具足戒，得曹洞法派。參禪金山江天寺，學法於寧波天童寺。

一九二四年來香港，結廬青山。之後喺港穗粵東弘法。

一九三〇年，承繼紀修老和尚，接任寶蓮禪寺方丈。之後唔停擴建道場，三年傳戒一次。一九六二年，筏可捐出賀儀同所積淨資，捐落佛教醫院為建院基金。一九七二年死，死時八十歲。

批評

筏可精於經營，收錢做法事，改善僧人生活，之不過咁又破咗壞大嶼山清修，佛門轉向商業。佢要做大寶蓮寺，吸引更多人來。所以起咗大雄寶殿。一九七〇年完工，又宣佈要起天壇大佛，所耗人力財力不菲。由於年時已高，交畀出家年資淺嘅佢外甥打理。外甥就係日後主持釋智慧，引來唔少風波。收益太多，公共服務太少。

紀念

• 佛教筏可紀念中學，喺大嶼山大澳。

書

• 大嶼山志，筏可口述，明慧編著。