米坦尼
米坦尼（英文：Mitanni）係喺米索不達米亞嘅古老國家，青銅器時代西亞嘅強國之一，由胡里安人喺大約公元前1550年建立，整體歷史記載唔係幾清楚，多數由鄰國所記錄嘅拼湊。最初可能係趁赫梯（西臺）消滅巴比倫同埋亞述古王國衰落嘅時候留落嚟嘅權力真空崛起，成為今日敘利亞一帶嘅最強國家。領土範圍喺現家嘅米索不達米亞嘅北部，喺公元前15世紀國力達到頂峰，係青銅器時代數一數二嘅強國，同埃及第十八王朝法老圖特摩斯三世並列，爭奪地中海東岸霸主地主，佔有目前嘅土耳其東南部、敘利亞北部同埋伊拉克北部，將亞述古王國納為附庸，首都瓦舒坎尼（Washukanni）嘅位置則尚未確定。公元前15世紀末，赫梯重新崛起，米坦尼因而改同埃及法老阿蒙霍特普二世結盟，此後米坦尼與埃及長期結盟對抗赫梯。大約喺公元前1375-1350年之間，米坦尼國王圖什拉塔被佢個仔殺死後，佢嘅仔之間發生王位繼承嘅內戰，其中一個仔沙提瓦扎逃往赫梯，赫梯國王蘇庇路里烏瑪一世藉機進攻米坦尼，米坦尼因為同法老阿肯那頓發生嚴重矛盾，失去埃及嘅援助，最終赫梯擊敗米坦尼，沙提瓦扎即位，但係米坦尼此後就逐漸衰落，並淪為赫梯嘅附庸。另一方面，亞述喺國王阿淑爾烏巴里特一世 時期（約公元前1365-1330年）崛起，米坦尼被亞述擊敗，亞述王國獨立，米坦尼反而淪為亞述嘅附庸，直至公元前1260年代，亞述國王薩爾瑪那薩爾一世在位期間，亞述併吞米坦尼。
| 米坦尼 𒈪𒀉𒋫𒉌 Mi-it-ta-ni | ||||
| ||||
 | ||||
| 首都或首府 | 瓦舒坎尼 | |||
| 常用語文 | 胡里安話 阿卡德文 | |||
| 政體 | 王國 | |||
| 國王 | 基爾塔（最初確認） | |||
| 沙圖瓦拉二世（最後） | ||||
| 歷史時期 | 青銅器時代 | |||
| - 成立 | 約前1600年 | |||
| - 解體 | 約前1260年 | |||