紙皮石，或者叫瓦仔、階磚仔、馬賽克方塊石、馬賽克磚或馬賽克方石，係建築材料，建築牆裝修表面用物料。階磚仔係個俗稱，因為成品以幾十塊小方塊石為一組，石面貼嚮一塊紙皮上，所以又叫「紙皮石」。使用時，地盤三行工人，將紙皮石背面用水泥鋪貼嚮牆表面，等到水泥硬化成石屎之後，再用水噴濕塊紙皮，將塊紙皮撕走，洗刷乾淨，就可以交貨。
紙皮石係圖中紅色牆表面方塊小磚
階磚仔紙皮石色彩又叫做砌圖藝術，因為一組組方塊石色彩可以有好多選擇，併貼出千變幻化藝術圖像。
紙皮石砌圖通常用嚟做外牆小石，用料有防水特色如水晶、磁、玻璃等。
紙皮石砌圖優點係表面色水多姿多彩，缺點係外牆紙皮石日久失修，由大廈高層飛脫，危害行人安全。
