緊急醫療救護技術員

急救醫療技術員（英文：Emergency Medical Technician，以下簡稱E.M.T.），又叫做救護車司機、救護車助理、救護員，係一啲國家地區用嚟稱呼嗰啲提供緊急醫療服務嘅人^[1]。

E.M.T.可能受僱於緊急服務單位、衛生部門、或者醫療機構；可能係全職、兼職、或者義務。佢哋通常都係回應緊急召喚、運送病人去醫院、同埋根據醫生/醫療顧問嘅指示執行某啲治療項目。E.M.T.通常接受過某程度嘅訓練，可以評估病患嘅傷勢病情，並且因應症狀而使用各種治療，例如幫呼吸困難嘅病人保持呼吸道暢通、好似心肺復蘇、處理心臟纖維性顫慄、控制嚴重外出血、預防同處理休克、固定病患身體以防止脊髓損傷、以及用夾板固定骨折等等。

世界各地對E.M.T.嘅職務範圍、技術要求、學歷、同訓練都唔同。有啲地方（例如美國）會將E.M.T.分成三級：E.M.T. Basic（初級）、E.M.T. Advanced（中級）、同埋E.M.T. Paramedic（高級）；有啲地方（例如法國）可能無E.M.T. - 相關嘅職務由醫護人員執行。