綫段（英文：segment/line segment）係喺幾何學入面，對一條綫上面指定兩個點之間嗰一截距離嘅稱呼。若果條綫係曲綫，嗰條綫段就叫弦（arc）。綫段仲可以細分做包唔包佢嘅兩個端點，閉綫段/封閉綫段（closed line segment）係指包嗮兩個端點，開綫段（open line segment）係指兩點都唔包，半開綫段（half-open line segment）就係包一點唔包一點。畫圖嗰陣如果想指明包唔包端點嘅話，可以喺包嗰啲點畫個實心圓形，唔包嘅就畫個空心圓形。
