編劇（粵拼：pin1 kek6）即係編寫劇本嘅人。喺小型話劇，編劇有時會擔當埋導演嘅角色，因為最了解劇本嘅就係編劇。
編劇負責嘅係寫劇本。劇本會做一件創作品嘅根基，編導、演員同其他嘅相關嘅嘢都會攞本劇本嚟做依歸；不過同時編劇又要小心，唔可以吓吓所有嘢都講明晒要點做，否則就可能會搞到演員同動作指導等嘅人員唔夠空間自我發揮。
