練習簿

校簿係學校按科目同程度印制嘅筆記簿同練習簿，簿面通常附有校徽，以及姓名、班級、班號或學號、科目、敎師姓名等。校簿通常用喺中學小學，畀學生做練習同做功課。

聖若瑟英文中學嘅校簿

香港來講，小學校簿通常比中學嘅細本，種類有唔同。

因為校簿有時比較貴，學生會出街買街簿做補充。

小學校簿

香港小學有英文簿，用來練寫英文字；高年級有時會用單行簿。有數學簿，有細格寫齊數字同數學符號，左邊留用空位寫題號。有中文簿，多數係方格，低班用大格，高班用中格，格仔比數學簿大。另有兩種中文練毛筆字嘅習字簿，一種寫大字，一種寫細字。

中學校簿

香港中學各科多數用單行簿做功課。亦有一啲會有數學用方格簿，用來畫數學坐標或者統計圖之用。有啲科會用空白簿。音樂科有音樂簿，裏便有五綫譜。有啲有設計用嘅繪圖簿等等。