街簿

街簿係筆記簿一種。香港而言，同校簿相對。街簿即係坊間出嘅簿，樣同校簿似，不過唔係由學校搵人印，而係商人印，舊時售價畀校簿平。街簿同校簿一樣，都係練習簿。

街簿有唔同大細格仔嘅中文簿，有方便學寫英文字嘅英文簿，有數學用細格嘅數學簿或格仔簿，重有多用途嘅單行簿。

街簿封底通常按簿裏便係乜間格，而附有乘法九因歌、阿剌伯數字寫法或者英文正楷草書寫法等等。