《繩之於法》係香港警務處警察公共關係科同香港電台電視部聯合製作嘅節目，喺1985年10月27日至1997年3月28日喺無綫電視翡翠台播出，由張瑪莉同楊子江主持，節目特色係設有舉報罪案電話熱線「3-388288」。節目以現場直播形式，透過真實個案重演，呼籲市民利用警察熱線提供資料。節目播出嗰陣，錄影廠會有10位警務人員着西裝或警察制服坐喺主持人後面接聽電話，掌握最新消息[1]；電話熱線會運作到節目播出嗰晚嘅11:30。
