羅便臣

  提示：呢篇文講嘅唔係羅拔臣。

  呢篇文講第11任香港總督。想搵第5任香港總督羅便臣爵士嘅話，請睇羅士敏。

威廉 羅便臣爵士（William Robinson，1836年—1912年12月1號）係英國嘅殖民地總督，先後做過巴哈馬、巴巴多斯及向風群島、千里達/千里達和多巴哥同埋香港總督。

香港冇任何地方以羅便臣命名；羅便臣道其實係以第5任港督羅士敏（前稱羅便臣爵士）命名。

港督任內事件

• 1891年12月，羅便臣就任香港第11任總督。
• 1892年7月，香港西醫書院舉行第一屆畢業典禮，由羅便臣主禮。
• 1894年5月，鼠疫侵襲香港。羅便臣第二任老婆去世，令佢情緒低落。
• 1896年3月4號，羅便臣驅逐四大寇之一孫中山出境，五年唔畀返香港，孫中山親筆去信港督查詢。
• 1898年2月，羅便臣期滿離任。