羅鷹石家族鷹君集團創辦人羅鷹石嘅家族,祖籍普寧。家族入面嘅羅嘉瑞羅旭瑞羅康瑞羅啟瑞都揸住自己嘅上市公司,喺香港嚟講係好少有嘅。

歷史 編輯

羅鷹石細細個已經跟老豆做生意,1938年同兄弟嚟到香港開疋頭行,1951年嗰時同兄弟分家,攞到10萬繼續布匹生意。[1]後來搞地產,喺1963年創立鷹君,起咗唔少住宅大廈,不過更加多嘅係工廠大廈。

到1972年,鷹君上市,乘住當時股市暢旺,鷹君當時得到快速嘅發展,開始涉獵埋酒店同金融嘅業務。但係到1982年,鷹君發展太快,加上香港前途問題影響地產市道,羅旭瑞聯同「公司醫生」韋理狙擊老豆嘅百利保同富豪酒店,變成自己嘅公司。兩父子更加反咗面,到後來先好返。

公司後來交由三仔羅嘉瑞打骰。並且將鷹君嘅負債還清。日後鷹君嘅發展步伐減慢咗,主要變成一隻收租股。

2016年,羅家嘅大家長羅杜莉君(羅老太)入稟法院,要求換咗家族基金嘅信託人。到2018年,鷹君爭產案正式開審,家族入面更加分成支持羅嘉瑞同羅老太兩個陣營[2]。經過一輪審訊之後,法院最後裁定羅老太一方敗訴。羅老太後來上訴亦都被駁回。

另外羅老太喺爭產案嗰時同傳媒茶聚,突然間講話有啲仔女唔係親生嘅,不過當時矛頭就指向支持羅老太嘅二仔羅旭瑞嗰度。因為羅旭瑞嘅出世紙上面,生母一欄係寫住「李意奇」,而唔係杜莉君,羅旭瑞就回應話佢喺三年零八個月期間出世,當時阿媽係用呢個別名去攞飯票,所以用咗呢個名登記出世紙,而杜莉君亦都喺重光後證明李意奇就係佢本人[3]

上市公司 編輯

羅鷹石家族「一門四傑」,四個仔都各自有自己嘅上市公司。

鷹君系:由羅氏家族持有(羅嘉瑞佔最大份)

世紀城市系:羅旭瑞持有

瑞安系:羅康瑞持有

羅啟瑞持有:

家族樹 編輯

同其他家族關係 編輯

參考 編輯

  1. 曾14蚊租西環板間房 4點半開神秘會議搞地產
  2. 君爭產風波氏家族鬧分裂 兩派勢力大比併. on.cc東網 (香港中文). 喺2020-09-02搵到.
  3. 世紙母親非杜莉君 羅旭瑞爆生母疑雲 - YouTube. www.youtube.com. 喺2020-09-02搵到.