美景花園

美景花園，香港私人屋苑之一，喺青衣細山，夾喺長青邨，同香港專業教育學院青衣分校之間，英文叫Mayfair Gardens。美景花園分上下兩段，下層為多層停車場，曾經有幼稚園，個頂係平臺兼商場，商場上面起咗八棟樓，加個泳水池。屋宇由新鴻基地產起，分兩期完成，一期一九八二年完成，二期一九八四年完成，係全青衣至早嘅私人屋苑。原本個則，有多三座，下面有戲院，不過當年太近油庫而無起成，後尾變咗美景遊樂場。

美景花園門牌。青康路入口

美景花園地址為細山路，條路通出青衣路。居民多數喺青康路條橋出入，皆因多出面有美景花園巴士站、長青邨青槐樓巴士站。細山路得一條巴士綫，停美景花園巴士總站。園內有小巴站出葵芳。

名

英文名Gardens為眾數。Mayfair個名，來自英國倫敦有錢人住嘅地方。

期數

美景花園分兩期，一期有六、八、十、十一、十二座，二期五、七、九座。原本一、二、三座因油庫問題起唔成。

商場

平臺商場

美景花園商場，都喺平臺一層。平臺大多數地方都係露天，然而有瓦遮頭，落雨都可以相通。

商場曾有爭議較大嘅波樓同遊戲機中心，都不敵潮流過去而執笠。

攷

• 〈美景花園〉。