羣乸

羣乸係啲社會性昆蟲，尤其係膜翅目嘅蟻、馬蜂同埋蜜蜂，仲有白蟻，嘅主要繁殖雌性種姓。羣乸種姓一般係指形態學上有分別嘅，即啲個體係註定要成皇后嘅，之同時啲雌性工人就通常就冇生育能力，唔成得皇后。有多皇后嘅羣落（colony）即係多羣乸模式嘅羣體，之衹有一個皇后嘅就係單羣乸模式。但係有好多物種並咪限死喺一種模式。

非洲化蜜蜂Apis mellifera scutellata個皇后（嘜唨）同埋佢週邊啲工人。

紅火蟻（Solenopsis invicta）就係一種同時有多羣乸同埋單羣乸模式嘅物種。至於推土切胸蟻（Leptothorax acervorum）啲羣落就會跟住季節變換而喺單羣乸-多羣乸模式之間切換。小火蟻（Wasmannia auropunctata）呢，就可以產生一種特殊嘅卵母細胞，減數分裂嘅過程中佢哋入邊罕有基因重組發生。啲卵母細胞一係可以互相融合、轉成羣乸，一係可以同雄性配子合埋、轉成工人。有種馬蜂物種Apoica flavissima，佢哋啲皇后對於啲唔育得嘅工人嚟講，表現出好明顯嘅形態學分別。Ropalidia plebeiana啲羣乸成年之後並唔會留低喺個竇裏便，而係可能喺佢哋啲母竇（maternal nests）裏便度過冬日。

喺缺乏形態學種姓嘅物種中（即「工人」都可能係生育得嘅），「羣乸」一詞通常指啲成世都生殖得或者潛在生殖得嘅雌性，唔同於啲出身係工人身份、隨後先進入生殖狀態嘅其他個體（通常被稱為「替身皇后」或者「能產工蜂」）。喺無刺蜂嘅某啲物種入邊，譬如Plebeia remota，就可以睇到邇種羣乸同工人都有生殖能力嘅現象。 喺大多數羣落週期論年計嘅物種當中，衹有羣乸可以滯育同過冬，而無論生育得定係唔生育得嘅工人都會死澌。 喺某啲群體入邊（譬如造紙胡蜂），羣乸喺築巢嗰陣會同其他羣乸佮埋，並且可能捱降級成次級嘅生殖角色，即出身為羣乸都並唔保證得個雌性就會轉得做皇后。