義所衞公祠
義所衞公祠，堂號恒本，喺廣州市海珠區瀝滘村西街大街8號，係番禺瀝滘衞氏御史房十三世祖嘅祠堂。明朝崇禎年間起。坐東朝西。2012年8月定爲海珠區不可移動文物。
| 義所衞公祠 恒本堂 | |
|---|---|
| 主祀 | 義所（十三世祖） |
| 家族信息 | |
| 家族 | 瀝滘衞氏 |
| 起源 | 河東郡 |
| 修建史 | |
| 始建 | 明朝崇禎 |
| 方位 | |
| 地址 | 廣州市海珠區瀝滘村西街大街8號 |
| 朝向 | 坐東朝西 |
| 現時尚存 經已掛牌 | |
| 登錄名 | 義所衞公祠 |
| 等級 | 海珠區不可移動文物 |
| 登錄時間 | 2012年8月13號 |
建築
編輯總面闊三間13.6米，總進深兩沓24.8米，佔地面積337.28平方米。
頭門面闊三間13.6米，進深5.3米夾埋七架，前牆後柱承重。硬山頂，鑊耳封火山牆，龍船屋脊。木雕如意封檐板。前牆明間凹入去做門廊。正牆青磚紅砂岩石腳。石門夾，原先棟木門唔見咗，家時加裝鐵閘。後簷柱花崗岩八角柱。後步樑上放瓜柱。第一二沓之間天井深8.9米，兩便新起兩廊。
後堂面闊三間13.6米，進深三間10.7米夾埋十三架，三三柱同後牆承重。屋頂形式同頭門咁上下。兩次間建磚牆，牆中砌磚雕通花。兩側牆同後牆係蠔殼牆。前簷柱係花崗岩八角柱，金柱係木圓柱，有木柱櫍、石柱礎。兩碌柱之間有木橫披。
攷
編輯- 衞宗正、衞鎔。《衞氏族譜六卷》。
- 廣州市文物普查增編編纂委員會 (2014)。〈岐周衞公祠〉. 出自 陳建華 等 (編)。《廣州市文物普查增編 中卷》。廣州出版社。頁 368。ISBN 978-7-5462-1837-3。