羽田孜

羽田孜（日文：はた つとむ，1935年8月24號—2017年8月28號），日本政治人，曾經做過內閣總理大臣、農林水產大臣、大蔵大臣、外務大臣、新生黨領袖、太陽黨領袖、民政黨代表、民主黨幹事長、特別代表、最高顧問同眾議院議員。

羽田孜

佢響東京府東京市蒲田區（依家係東京都大田區蒲田）出世，籍貫長野縣，成城大學畢業，阿爺羽田貞義係教育家、老豆羽田武嗣郎係前眾議院議員。後嚟羽田孜嘅大仔雄一郎都做政治人，而細仔羽田次郎曾經兩次參加參議員選舉但失敗。

佢響1994年4月28號出任第八十代日本首相，但響做咗六十四日後，因為同社會黨、先驅新黨、自民黨達成協議而落台，係日本史上在任時間最短嘅內閣總理大臣。

曾經自認係中國人，話祖先係徐福嘅下屬，原因話係響日文入面，「羽田」同中國一個姓「秦」同音。

2012年宣佈淡出政界，做民進黨長野縣連名譽顧問。2017年病死，終年八十二歲。