翁貝托二世
翁貝托二世（Umberto II，1904年9月15號—1983年3月18號），全名翁貝托·尼古拉·湯馬素·佐華尼·瑪麗亞·迪·薩伏依（Umberto Nicola Tommaso Giovanni Maria di Savoia），係意大利王國末代國王，1946年5月9號到6月12號在位，在位只有34日。
| 翁貝托二世 | |
|---|---|
 | |
| 意大利國王 | |
| 在位 | 1946年5月9號 — 1946年6月12號 |
| 前任 | 域托里奧·艾曼奴爾三世 |
| 配偶 | 比利時瑪麗·荷西（1930年結婚） |
子嗣 | |
全名 | Umberto Nicola Tommaso Giovanni Maria di Savoia |
| 家族 | 薩伏依王朝 |
| 父王 | 域托里奧·艾曼奴爾三世 |
| 母后 | 依萊娜王后 |
| 出世 | 1904年9月15號 |
| 出世地 | Template:Kingdom of Italy旗資料拉科尼吉城堡 |
| 死 | 1983年3月18號（78歲） |
| 死地 |  瑞士日內瓦 |
| 陵墓 |  法國上庫姆修道院 |
| 簽章 |  |
| 宗教 | 羅馬天主教 |
生平
編輯早年
編輯
翁貝托係前國王域托里奧·艾曼奴爾三世同依萊娜王后第三個細路、唯一一個仔，響拉科尼吉城堡出世。佢一出世就係王儲。同年9月，經過皇家法令，佢獲得銜頭皮耶蒙親王。
翁貝托自細就接受好多軍事教育，並且響杜林皇家軍事學院畢業。相對地，佢就冇接受咁多政治方面嘅培養。
1924年9月，身為王儲嘅佢代表老豆訪問南美國家（巴西、阿根廷、烏拉圭、智利）。
同老豆一樣，佢認為貝尼托·墨索里尼同法西斯政權係忠於薩伏依王朝，所以一直都同佢哋合作。呢啲舉動惹嚟反法西斯嘅人嘅不滿，所以響1929年計劃咗一場暗殺，但係失敗。犯人係一個叫 Fernando de Rosa嘅人，屬於第二國際成員。
翁貝托一直唔玩政治，直至畀人任命為中將。之後希特拉要求會面，佢破天荒地同意咗。
二戰前後
編輯
1937年二戰爆發，歐洲成為戰場。翁貝托質疑貝尼托·墨索里尼同德國組成軸心國嘅決定太危險，支持意大利保持中立，但佢並冇採取任何實際嘅方法嚟阻止。
初期，佢出任將軍，指揮一、四、七團，認為意大利嘅軍事勝利即係薩伏依王朝嘅勝利。佢帶領過三十萬大軍攻打法國，但收尾輸咗。老婆比利時瑪麗·荷西曾經出面和談，但因為老豆域托里奧·艾曼奴爾三世輕視女人嘅態度、再加上自我感覺良好而作罷。
1943年，人民開始發現戰爭越嚟越對意大利不利，時任總理墨索里尼嘅聲望跌到落谷底，工人好多都上街抗議。有人將翁貝托睇成反法西斯嘅動力，但係實際上翁貝托深受老豆所限制、地位好被動。最終響7月25號，老豆域托里奧·艾曼奴爾三世炒咗墨索里尼，任命柏多祿·巴多格里奧做新總理。
柏多祿·巴多格里奧一方面宣佈自己將會繼續同德軍合作，另一方面又靜靜雞同盟約國談判。為免惹起希特拉嘅報復，停戰協定一直到9月8號嘅雪崩行動之後先至公佈。雖然係咁，但由於盟約國冇向意大利軍發出指令，結果王室同巴多格里奧走難到意大利南部。北部好快就畀德軍佔領，希特拉成立意大利社會共和國，搵返墨索里尼出任總理。意大利實際上分成兩邊。
國王響同年宣佈加入盟約國，共同對抗納粹德國。不過響1943至45年之間，意大利經濟極差，通貨膨脹得好勁、人人紛紛加入黑市嚟維持生計，周圍都民怨四起。父王一直唔願意退位，令到王室聲望非常差。有人甚至懷疑翁貝托能唔能夠出任國王。
1944年，父王因為外界嘅壓力下，決定任命王儲翁貝托做攝政。
國王時代
編輯
二戰打後，新政府開始清算法西斯主義者，而域托里奧·艾曼奴爾三世同法西斯政權嘅合作自然係畀人鬧。域托里奧·伊曼紐三世被迫退位，讓位畀翁貝托，而域托里奧·艾曼奴爾三世就走去開羅。佢響5月9號登基。
政府決定響6月2號搞全民公投，畀人民決定係延續君主制定另立共和國。選前，南部嘅人比起北部更加支持王室，而佢本人亦好有信心可以獲得勝利。不過翁貝托嘅同性戀醜聞，令到有南部嘅人紛紛支持共和制，影響結果。
公投有成超過90%嘅選民參加投票。支持共和制嘅有54.3%，超過通過門檻嘅52%，一日後意大利正式成立共和國。意大利王國正式玩完，薩伏依王朝亦冇咗，翁貝托畀人踢下王位，只係做咗34日嘅國王。佢之後即刻走去葡萄牙。
晚年
編輯響意大利共和國成立後，宣佈翁貝托二世同家族成員將永遠唔可以返嚟，從此佢就再冇返過家鄉。之後因為同老婆瑪麗·荷西關係實在太差，瑪麗·荷西就帶埋仔女搬到瑞士，得返翁貝托自己一個人生活。
佢主要響葡萄牙生活，不過亦成日去旅行。晚年深受惡性腫瘤影響。
1983年翁貝托響瑞士日內瓦病死，終年78歲。死後葬響法國上庫姆修道院。
屋企
編輯1930年1月8號，翁貝托同比利時瑪麗·荷西響羅馬結婚。瑪麗·荷西係比利時國王阿爾貝一世大女、亦係最細嘅細路。兩個人有一個仔三個女：
兩公婆關係一直非常差。尤其係二戰期間，瑪麗·荷西試圖代表意大利同美國和談，但由於時任國王域托里奧·伊曼紐三世輕視女人嘅態度，翁貝托亦都冇出嚟支持老婆，結果瑪麗·荷西被迫到歐斯達山谷大區住，有一段時間遠離王室中心。響流亡期間，瑪麗·荷西直頭帶埋仔女到瑞士、留返翁貝托一個人響葡萄牙。雖然係咁，不過兩公婆出於天主教徒嘅身份，一直未有離婚。