習大大佢堅似維尼
《習大大佢堅似維尼》係高登音樂台喺2019年10月推出嘅一首惡搞歌曲，用嚟諷刺中共中央總書記習近平嘅專權施政同外型。原曲係李克勤嘅《紅日》，而家已經有超過一百二十萬點擊率[1]。
歌詞提到有人發表言論話習近平外形似小熊維尼，而結果小熊維尼喺中國大陸遭到封鎖，另外提到中美貿易戰，中國、美國同歐洲之間嘅關係，對中國人權法治嘅諷刺，迪士尼對呢件事嘅自我政治審查，同埋華為副董事長孟晚舟因為犯法而連累中國其他商家。而歌曲MV就混合小熊維尼卡通，《衰仔樂園》入面同樣諷刺習近平外形似小熊維尼，仲有解放軍軍演等片段。
歌詞
編輯習大大佢堅似維尼 習大大再封殺維尼 習大大會千世萬世 任期做夠未 若然做生意 跪低啦頂你 迪士尼得返404
習大大佢堅似維尼 習大大再封殺維尼 習大大會千世萬世 任期做夠未 若然做生意 跪低啦頂你 迪士尼得返404
激嬲侵侵即刻開拖對美國封鎖 齊齊來對抗美國就算打過亦是沒怯懦 論友誼 就算少咁個 冇驚過 即刻加囉樣樣納稅又如何
參考
編輯- ↑ 〈【專訪】高登音樂台 在強權下「被出殯」的二次創作〉。Radio Free Asia (英文)。喺2021-10-03搵到。
