衰仔樂園英文South Park),又叫做南方公園,係美國講幾個人細鬼大塞豆窿動畫劇集。呢度動畫劇集可以話係相當受歡迎,喺2019年19月,華納旗下嘅HBO Max就用咗5.5億美金,投得美國以內嘅獨家播映權。呢套劇集亦因為時不時諷刺中共打壓人權同埋中國內地時政嘅問題,受到唔少關注。[1]

事件

諷刺中共內容

《衰仔樂園》時不時會諷刺中共,有時結果引嚟中共封殺。

例如,喺2019年10月,第23季《衰仔樂園》嘅第二集《Band in China》入面,主角蘭迪(Randy)為咗賺錢去中國賣大麻,點知被送入再教育營,被逼勞改同埋做廉價手工製品,並親眼目睹公安殺死「營友」,主角又喺獄中巧遇,「小熊維尼」因為生得似習近平而淪為階下囚。另一方面,蘭迪個仔斯坦想組建電子搖滾樂隊打進中國內地市場,但娛樂公司就話,若果想到中國發展,就要面對中共嘅言論審查。[2]引嚟咗嗶喱嗶喱、微博、百度等中國內地媒體封殺之後,《衰仔樂園》官方喺Twitter同埋Facebook發出「官方道歉聲明」,但係份聲明被指曲直難分,繼續諷刺中共。[3]時事評論員林和立就話,卡通內容刺中北京死穴,所以被下架。[4]

另外,喺2020年10月,《衰仔樂園》又對出咗諷刺武漢肺炎嘅內容,講述蘭迪記得自己同米奇喺中國嘅時侯,喺後著同武漢蝙蝠做愛,所以懷疑自己係武漢肺炎嘅源頭。[5]

去到第59屆美國總統選舉之後,《衰仔樂園》又喺官方Twitter重新上載8年前第16季嘅「消失的選票去哪了?」一集,諷刺民主黨拜登暗通中國,喺北京嘅幫助下贏得大選重回白宮。[6]

參考

  1. "【衰仔樂園】HBO無懼封殺 43億搶購獨家播映權". www.upower.com.hk (中文). 2019-10-31. 喺2020-11-07搵到.
  2. "【愈禁愈熱播】《衰仔樂園》諷刺中共遭封殺". SBS Your Language (中文). 喺2020-11-07搵到.
  3. 李家樑 (2019-10-08). "被中國禁播 《衰仔樂園》道歉聲明疑再諷內地:現在和好了吧?". 香港01 (中文). 喺2020-11-07搵到.
  4. "【全國封殺】《衰仔樂園》諷洗腦營遭封殺 學者:刺中北京死穴". Apple Daily 蘋果日報 (中文). 喺2020-11-07搵到.
  5. "【衰仔樂園】武肺因為同蝙蝠扑嘢而來? | 小肥波 | 立場新聞". 立場新聞 Stand News (英文). 喺2020-11-07搵到.
  6. "美國大選|《衰仔樂園》重播8年前舊片 寸美民主黨靠中國幫助重回白宮". Apple Daily 蘋果日報 (中文). 喺2020-11-07搵到.