習核心

習核心，係指2016年中共十八屆六中全會開始被正式叫做「黨中央嘅核心、全黨嘅核心」嘅習近平。習近平自2012年中共十八屆一中全會起做總書記，成為最高領導人。執政初期，官方叫「以習近平同志為總書記嘅黨中央」，同前任總書記胡錦濤一樣；但從鄧小平喺六四事件後自命做「核心」起中共叫毛澤東、鄧小平、江澤民為其頭三代「中央領導集體嘅核心」。

習近平上任後發動大規模嘅反腐敗運動，藉此提升個人權威。自2016年開始，官方開始提到「核心意識」，甚至有地方官員發表「以習近平總書記為核心嘅黨中央」嘅講法，習核心一詞逐漸開始出現喺官方媒體上。2016年10月召開嘅中共十八屆六中全會公報，正式發佈「以習近平同志為核心嘅黨中央」嘅表述，象徵習近平正式被確立做第五代領導集體嘅核心。