習近平辦公室

習近平辦公室，簡稱「習辦」，可以指中華人民共和國現任最高領導人習近平嘅辦事機構或者辦公場所：

1. 設喺中共中央辦公廳嘅「中共中央總書記習近平同志辦公室」
2. 設喺中央軍委辦公廳嘅「中央軍委主席習近平同志辦公室」
3. 習近平專用嘅各實體辦公室

中共總書記習近平

中共中央總書記辦公室

現任主任：丁薛祥（省部級副職）

2007年5月，喺習近平做咗中共上海市委書記嘅兩個月後，丁薛祥由市委副秘書長兼辦公廳主任升做市委常委兼秘書長，成為習近平嘅政治秘書。喺習近平去中央任職後，丁留喺上海。2012年5月，轉做中共上海市委政法委書記；同年11月當選第十八屆中央委員會候補委員。2013年5月，丁薛祥調中央做嘢，做中共中央辦公廳副主任兼中共中央總書記（習近平同志）辦公室主任。

中央軍委主席辦公室

現任主任：鐘紹軍 大校（正軍職）

鐘紹軍係習近平喺浙江、上海、中央工作時期嘅長期貼身大秘。2013年6月，空降中央軍委辦公廳做副主任兼中央軍委主席（習近平同志）辦公室主任，被授予大校軍銜。

中國國家主席辦公廳

現任主任：廢除

「中華人民共和國主席辦公廳」係《五四憲法》體制下國家主席作為國家機構入面設嘅名義上綜合性日常辦事機構。《八二憲法》體制下國家主席變成冇實權嘅虛位國家元首，唔再負責處理具體事務，所以冇再設立獨立嘅辦事機構。