耆英先鋒隊
《耆英先鋒隊》（英文：Praying Heros）係2007年由香港影音使團製作嘅福音電影，套戲嘅對象係長者，劇情比較簡單。故事講述一個熱愛音樂嘅年青音樂人Johnny，同一班「老有所為」、樂天派嘅長者，經歷無盡困難，共同演出一個長者音樂劇，獻畀其他長者欣賞。
劇情簡介 編輯
年青音樂人Johnny，因為自己嘅理想，同爸爸陳伯產生咗衝突，導致兩父子多年都冇見面。之後，爸爸患上老人癡呆症，Johnny唯有暫時放低音樂理想，留喺香港照顧佢。期間Johnny喺爸爸創立嘅老人中心—祈安社，結識咗一班樂天嘅長者，並因住同哋共同演出音樂劇，獻畀其他長者欣賞，漸漸從無視佢哋嘅努力，到從佢哋身上領受到禱告嘅力量同世上最偉大嘅愛。最後，Johnny更喺牧師嘅引領下，從爸爸自製嘅錄影帶中，領略到爸爸對自己嘅愛，重燃兩代嘅情深。同時，Johnny亦投入老人中心嘅音樂劇演出。