耶穌傳

《耶穌傳》係1979年一套根據聖經《路加福音》而編寫嘅兩小時影片，呢套片被譽為對耶穌嘅生平有最準確描述。多年嚟，耶穌傳成為歷史上語種最多、發行最多嘅影片。喺2022年已經翻譯成第2,000種語言，係全世界翻譯成最多種語言嘅電影。

劇情簡介

呢套片描述耶穌嘅一生，從喺伯利恆馬槽度誕生，東方三博士避開希律王嘅干涉去見耶穌，引起希律王不滿，屠殺伯利恆未滿兩歲嘅男仔，約瑟避難到埃及，希律王死後再返到拿撒勒，耶穌喺加利利同迦百農傳揚上帝嘅旨意，並領受施洗約翰嘅洗禮，上山接受魔鬼嘅考驗，並收彼得等十二個門徒傳福音同施行神蹟，深受當地人民嘅愛戴，甚至動搖羅馬喺當地統治嘅根本，希律王以耶穌自稱為王嘅理由將佢定罪，於是被佢嘅門徒猶大出賣，喺最後晚餐中設立聖餐嘅祝福。第二日被釘喺十字架上，三日後死而復活，門徒領受耶穌嘅教導，到各地去宣揚基督福音。

起源

1950年，學園傳道會創辦人白立德博士得到上帝嘅感動，製作一套具有感染力、描述耶穌生平，並以事實為根據嘅電影。喺1970年代中期，經過500位嚟自唔同組織嘅學者、領袖、歷史學家、考古學家等，以五年時間研究最合適嘅方法將耶穌嘅生平搬上熒幕。1978年，耗資六百萬美元製作嘅福音電影《耶穌傳》終於完成。

出面網頁

• 耶穌傳 粵語 (數碼修復版)