聖神修院
聖神修院（Holy Spirit Seminary）響香港黃竹坑惠福道6號，原址係響1931年創辦嘅華南總修院（South China Regional Seminary / Regional Seminary of South China）。華南總修院響香港日治時期曾一度停辦，復辦後又因中國政權變更，華南地區冇修士嚟而停辦。天主教傳信部喺1964年將為華南總修院移交畀香港教區管理。同年原址響薄扶林太古樓一塊由巴黎外方傳教會所捐獻嘅土地嘅聖神修院（響1957年成立）搬到華南總修院原址發展，以培訓香港天主教神職人員做宗旨。
聖神修院而家除咗係香港訓練天主教神職人員同畀教友進修嘅重要地方外，亦都為教友提供圖書館、靜舍租用等服務同埋開放教區文物館畀已預約人士。亦有每月一次，名為「聆風樂禱」嘅讀經同畀一般人士參加嘅祈禱活動。
連出去
編輯