聖經新漢語譯本
《聖經新漢語譯本》係由漢語聖經協會出版嘅聖經中文譯本，翻譯工作喺1993年開始，2003年出部分試讀版，係歸類為1970年代後由聖經讀經會資助翻譯出版嘅中文聖經之一[1]。
簡介
編輯《新漢語譯本》係直接由《聖經》原文希伯來文、亞蘭文、希臘文全新翻譯成現代中文嘅聖經譯本，匯集世界各地多位華人聖經學者，翻譯專家、語文專家翻譯而成。將最新嘅考古學同聖經研究成果結合喺新嘅譯文裏面，務求呈現原文面貌，採用現代人嘅語文，將聖經含義嘅豐富同神髓，準確無誤噉表現出嚟，除咗譯文上力求精準流暢，亦加入原文翻譯註釋，提供翻譯上嘅考量同參考，令華人教會同基督徒喺呢個譯本當中睇到聖經研究嘅成果。
目標
編輯《新漢語譯本》嘅目標係服侍全球華人社羣同華人教會，希望能夠幫助華人教會喺推動傳揚信息同宣教方面，或牧者喺釋經講道、聖經研究上，以致信徒研經同教導主日學嘅時候，都能夠更深入掌握原文聖經嘅精髓，準確理解經文信息，以致能夠更準確明白聖經內容。
翻譯理念
編輯直接由《聖經》原文希伯來文、亞蘭文、希臘文全新翻譯，結合最新嘅考古學同聖經研究成果，將聖經嘅精髓，透過現代語言文字，將上帝嘅話語，精確無誤翻譯出嚟，達到翻譯聖經嘅最高質素。
翻譯原則
編輯- 務求忠於原文，準確傳譯原文嘅信息內容
- 以規範嘅現代中文為準，避免古僻難深嘅字詞
- 力求符合原文嘅語言風格、感情色彩，意思明確，層次清晰
翻譯步驟
編輯- 翻譯初稿：由聖經學者從原文聖經翻譯成中文初稿，撰寫註釋；
- 語文修飾：由中文專家修飾譯文，同譯者修訂文稿；
- 內部審讀：由聖經學者同語文專家組成嘅內部審閱小組仔細校讀，並送特約專家審閱；
- 整合修訂：譯者整理每個專家嘅意見，修訂譯文同註釋，再交中文專家修飾；
- 審批通過：專家主任最後審批譯文。
參考
編輯- ↑ Toshikazu S. Foley (15 September 2009). Biblical Translation in Chinese and Greek: Verbal Aspect in Theory and Practice. BRILL. p. 33. ISBN 978-90-04-17865-6. 喺9 March 2013搵到.