聞喜
聞喜（粵拼：man4 hei2）係中華人民共和國一縣，叫聞喜縣，家下歸山西運城。縣有一千一百六十平方千米，二零零二年計，人口卅八萬。
史
編輯聞喜，秦國之前叫桐鄉。秦國改名做左邑。漢元鼎五年秋，卽公元前一百一十二年，當時皇帝劉徹，派咗十萬大軍打南越國。打咗一年零，卽六年冬，就平定南越。當時劉徹去視察河南緱氏，或征伐匈奴之中，捷報傳到皇帝手上。當時佢去到左邑縣桐鄉，聽到就好開心，就劃左邑縣一部份，叫做聞喜。後尾，左邑都併埋入聞喜。之後有疆界變遷，但聞喜個名，就沿用至今。
聞喜一帶，係上古姜姓人聚居之地。周嘅始祖，姬棄后稷。佢老母姜嫄，就係呢度嘅人。姜嫄墓記講，邑西北卅五里有冰池，世傳后稷棄此，卽係《詩經》講嘅「寘之寒冰」。池東有姜嫄墓，山後荒壟數十畝，係邰氏墳。稷播穀於此始，所以叫山做稷。山上有后稷陵，下有姜嫄墓。
行政區
編輯聞喜家下有七鎮六鄉。鎮有桐城鎮、郭家莊鎮、東鎮鎮、禮元鎮、凹底鎮、薛店鎮同河底鎮。而鄉有神柏鄉、柏林鄉、陽隅鄉、侯村鄉、裴社鄉、后宫鄉同石門鄉。