肚腩毛，或者叫腹毛，係生喺肚腩前面嘅毛，係男性第二性徵，只係得部份成年男人有。通常係喺青春期末期或青春期完結後，當陰毛已經擴散到整個陰部後先沿肚臍至陰部之間嘅長形狹窄區生出。所以俗語有云「尻毛生上肚」，但係下一句「屌閪冇煩惱」或者「屌閪屌到老」就未必準確。因為高睾丸素可以同時令性慾同毛髮旺盛，仲要由基因決定肚毛擴散嘅範圍。小數女性，尤其陀男胎嘅孕婦，因體內睪丸素含量較高，都會生少少腹毛。
