又叫肝臟英文liver),係一種內臟,多數係有脊骨嘅動物先有,係極之重要。肝有極多用處,最明顯係解毒、造蛋白質、造消化用嘅物質[1]。無咗肝係會死,家下都無嘢可替肝嘅功用。

生理
屬於消化系統
位置abdominal cavity[*]
識別碼
UBERON ID0002107
TAA05.8.01.001

肝響新陳代謝有好重角色,重識儲肝醣、分解紅血球、造血清蛋白、造激素、重有解毒。肝係人至大嘅,響肚入便,橫膈膜以下。佢識整帶醶性膽汁,可以令脂肪同水撈埋同打散,幫助消化。佢又會搞同控制大量好多唔同類嘅生化反應,用到肝嘅特別組織[2]

編輯

肝喺西洋醫學來講,中意用hepato-或者hepatic來表示。呢個查實來自希臘文hēpar (ήπαρ),係肝嘅意思[3]

結構 編輯

肝係一個啡紅色楔型嘅器官,可以分為形狀大細唔同嘅兩葉。人類嘅肝通常重1.5公斤(3.3磅),闊15 厘米(6吋)左右。唔同人嘅肝大細可以差距好大,標準嘅參考範圍係:男970-1860克(2.14–4.10磅),女600-1770克(1.32–3.90磅)。佢係人體最重嘅器官,亦係最大嘅腺體。位處於腹腔右上角,橫膈膜之下,胃嘅右邊,覆蓋着膽囊。

  • 供血:肝接駁着雙重血供—肝動脈源自腹腔動脈,負責供給帶氧血;門靜脈負責供給喺消化系統收集返嚟、充滿營養嘅血。肝處理完呢啲血之後,就會經幾條肝小靜脈直接送去下腔靜脈。
  • 表面:從頭頂睇,肝臟俾鐮狀韌帶分開兩瓣,叫左葉同右葉。喺腳板嗰邊望上去,喺左右兩葉之間仲夾住多前後兩瓣,近肚皮嗰瓣呈四邊形、叫肝方葉,近背脊個瓣叫肝尾葉。
  • 分段:Couinaud系統根據門靜脈分支嘅分佈,將功能分葉再細分成8個子段。每個子段嘅中央係門靜脈、肝動脈、同膽管,外周就有肝靜脈。8個子段由羅馬數字I - VIII標識。I段嘅係尾葉,比較特別嘅係佢同時接受門靜脈左右兩支嘅供血。其餘就從正面望,以順時針編II - VIII段。

編輯

  • 肝炎:最常見係病毒肝炎,分甲乙丙丁戊五種。甲戊多數經食物感染。乙、丙型由血液或者性交傳播,通常係慢性感染,而且會導致肝癌。丁型只有喺已經感染咗乙型肝炎嘅時候先會感染,係衛星病毒。另外亦有細菌或者寄生蟲引起嘅肝炎。
  • 肝癌:最常見係肝細胞癌,佔肝臟癌症嘅10%,所以提到肝癌嘅時候通常係指肝細胞癌。除此之外亦有膽管細胞癌,其他細胞引起嘅就比較少見。
  • 肝纖維化肝硬化:雖然肝臟自我修復能力好勁,但係長期傷害到嘅話都會頂唔到、無辦法再生啲肝細胞,唯有生啲纖維組織去撐住個結構。
  • 脂肪肝:肝臟積聚太多脂肪肝,有可能係酗酒或者肥胖引起,嚴重嘅話會導致肝硬化或者肝癌。

嘢食 編輯

食得嘅肝多數叫做,係廣東話入邊嘅一種諱語嚟。

編輯

  1. 財團法人肝病防治學術基金會 - 認識肝臟解毒力
  2. Maton, Anthea (1993). Human Biology and Health. Englewood Cliffs, New Jersey, USA: Prentice Hall. ISBN 0-13-981176-1. OCLC 32308337. {{cite book}}: Unknown parameter |coauthors= ignored (|author= suggested) (help)
  3. The Greek word "ήπαρ" was derived from hēpaomai (ηπάομαι): to mend, to repair, hence hēpar actually means "repairable", indicating that this organ can regenerate itself spontaneously in the case of lesion.