背泳
背泳重點
編輯兩隻手用前後交叉，由頭前至大腿用劃水嘅力向前，對腳上下交替踢水推進。游水過程中唔可以反轉個身（除咗轉身），兩隻手手一定要前後交叉動作，唔可以踢蛙式腳。
比賽規則
編輯背泳比賽開始前，參賽者要面向出發台，並用雙手揸住扶手。起跳訊號發出之後，參賽者要以背脊向下嘅型式完成整個賽程。賽例規定，任何參賽者喺頭、膊頭、手或手臂掂到池邊以作終點掂池或轉身掂池前，一定要保持背泳嘅正確位置，當中包括身體可以作出轉動，但係唔可以大過90度（除咗頭部嘅位置），否則會被取消資格。轉身掂池之後，泳手可以作出任何轉身動作，但係腳離開池邊前，身體要恢復背泳嘅正確位置，唔係嘅話就屬於犯規。
而家背泳比賽主要有三種距離：
- 50米
- 100米
- 200米