能指同所指
能指（粵拼：nang4 zi2）同所指（粵拼：so2 zi2）係符號學上兩個關係緊密嘅概念，由瑞士語言學家索雪提出嘅。能指同所指係指一個記號嘅兩大重要部份：能指係指一個記號可以觀察到嘅部份，而所指就係指個記號所指嘅概念[1][2]。
所指：樹
概論
編輯睇埋：記號
舉例說明，想像粵語 syu6 muk6（呢道用咗粵拼嚟寫）噉嘅語音，意思係指緊樹木，而喺呢種情況下，語音 syu6 muk6 係能指，而樹呢個概念（包含晒一個人觀察到嗰啲可以當係樹嘅物體）就係所指，兩者結合埋一齊就形成咗一個記號——使用粵語嘅人腦入便將呢兩樣嘢聯想埋一齊，會用個能指嚟「表示」個所指。文字都可以用同樣嘅道理嚟諗，例如樹木呢兩隻中文字係能指，可以用嚟指樹呢個概念（所指）。
一般認為，能指同所指實係一對對噉出現嘅。冇得話淨係得個能指冇所指，或者淨係得個所指而冇能指。