脈衝星

脈衝星，英文pulsar，指有電磁波射出嘅恆星，實質係中子星一種，磁性極強，兩極會射出電磁波。中子星自轉時，有如燈塔之光，電磁波兩束轉動，掃射有如脈衝。由於中子星好細，質量好高，自轉速度可以去幾秒甚至幾微秒一圈，亦就係脈衝週期。

脈衝星合成照。蟹狀星雲中間有中子星，會射X光脈衝。可見光同X光合可見。

英文pulsar，來自pulsating radio star，意思脈衝無綫電星。初頭中子星只係理論上有，未觀測到。初發現脈衝星，只測到有不知名無綫電波訊號，以為係外星人綠人仔（little green man）發，有外星文明。及後發現好幾個，先再推斷出中子星。而射出亦唔只無綫電，高頻如X光甚至迦碼射綫都有。