自然匙

自然匙（natural key）喺數據庫上係主匙嘅一種，指條匙嘅數值係對應住某啲會喺數據庫以外嘅特性嘅。假想家陣設計一個記綠學生數據嘅數據庫嘅人想每個學生都俾條主匙佢，但佢用嘅主匙係身份證號碼－佢喺每個學生登記嗰陣都叫佢哋填自己嘅身份證號碼，並且喺個數據庫入面入咗每個學生嘅身份證號碼，因為身份證號碼正路嚟講係每個人都保證獨一無二嘅，而呢種用「喺個數據庫以外嘅地方都有可能會用到嘅特性」嚟做嘅匙就係所謂嘅自然匙^[1]。