班

  想搵第二個意思嘅話，請睇班 (搞清楚)。

  提示：呢篇文講嘅唔係斑。

班，又叫班級、班別，係同一班學生一齊上堂學習嘅群組，而上堂嘅地方叫班房。

一個班

一間學校入面，同一個年級嘅人多數都需要分幾個班上堂，有啲學校會將比較叻嘅人編埋同一班，叫「精英班」。

除咗正規學校開嘅班，其他地方都可以開班教人，譬如「興趣班」、「補習班」。

調班

喺一啲特別嘅情況下，學生會調班，即係返學讀到一半就去第間課室讀，但係無轉校，級數未必一模一樣。臺灣政府為學校編班同調班等事宜制定咗套原則。

原因

• 舊課室太多學生，所以焗住要調班。
• 學生識規矩都唔肯守，犯完又犯，試下調班睇會唔會搞到佢肯守。
• 學生覺得佢有啲同學唔夾，所以自願調班。
• 學生考試非常好，所以讀到一半就升級。
• 學生考試唔合格，級數唔適合佢，所以要降級。

睇埋

• 小班教學