香港鐵路博物館

香港鐵路博物館，即舊大埔墟火車站，係香港嘅博物館，歸香港文化博物館管，本來專介紹九廣鐵路史，後嚟加入咗講港鐵嘅展覽廳。^[1]佢最突出嘅地方就係佢保留返舊站建築，風格獨特，金字頂，十足中國傳統建築。該館喺大埔墟崇德街13號。

歷史

佢嘅前身係大埔墟火車站，喺1913年建成，面積成6,500平方米，以往係九廣鐵路嘅重要車站之一。但係由於九鐵於喺1980年代有電氣化火車，新嘅大埔墟火車站喺1983年開始用，因為咁舊大埔墟火車站喺同年嘅4月6號閂門。跟住喺1984年被列做法定古蹟，再修建做博物館，喺1985年開放。

設施同藏品

博物館入面保留咗6架歷史車卡、手動及機動工程車各一架。喺1997年加埋沙頭角支線用過嘅窄軌蒸氣機火車頭，再喺2004年新增九鐵喺1955年引入首架柴油機車——叫做「亞歷山大爵士號」嘅51號機車。除此之外，博物館擺咗唔少當年用過嘅工具、火車模型、圖片歷史介紹同埋用過嘅信號系統等。博物館出面地下有啲寫咗舊時九廣鐵路英段嘅車站名喺地下。