舞步dance move / dance step)係指一種舞蹈當中嘅某一個固定動作。一個人學跳嗰隻舞嗰陣會係噉重複做出個舞步,務求想自己熟習。

例:阿拉伯斯卡(arabesque)係源自芭蕾舞嘅一種比較高難度嘅舞步,指個舞蹈員淨係一隻掂地(掂地嗰隻叫支撐髀)而另外嗰隻髀(抬起髀)就外開並且抬高去身體後面,而且要伸到直一直。條抬起髀抬高嘅角度由 20 度左右嘅低角以至大過 90 度角都有,手嘅位置唔定。專業嘅芭蕾舞蹈員喺練習嗰陣會係噉勁做個動作,做到老師同自己滿意為止。而芭蕾舞以外嘅舞種都有採用阿拉伯斯卡。