芥川也寸志

芥川也寸志（日文：あくたがわやすし^{Yasushi Akutagawa}，1925年 7月12號—1989年 1月31號），係日本作曲家、指揮家，兼日本音樂著作權協會前理事長。

芥川1925年響東京府東京市瀧野川區（即依家東京都北區）田端出世，係屋企第三個細路。老豆響1927年自殺後，佢好鍾意老豆其中一個遺物ーー黑膠唱片。響讀小學嗰陣唱歌唔得，因此音樂成績好差。

後嚟決心要學好音樂，就向橋本國彥同埋伊福部昭學習。佢先後入讀東京高等師範學校附屬小學校（即依家筑波大學附屬小學）同埋東京高等師範附屬中學校（即依家筑波大學附屬中學校・高等學校）。

響入讀東京音樂學校予科作曲部（即依家東京藝術大學音樂學部作曲科）嗰時，校長乘杉嘉壽向佢出示全部學生嘅成績表，鬧佢：「你係全部學生入面最低分個嗰，只不過係掹車邊。我身為一個大藝術家，我覺得好丟架！」

響1949年響東京音樂學校研究科畢業之後，佢以《交響三章》，打響名堂。

芥川最拿手嘅係活潑有力嘅曲風，交響樂方面代表作有《交響三章》、《弦樂三章——三折畫》等等；佢亦會幫電影配樂，就好似《八甲田山》、《八墓村（野村芳太郎監督作品）》、《赤穂浪士》；而童謠《小鳥之歌》亦都幾出名。另外，好多小學嘅校歌、甚至係日產同好多公司都會攞嚟用嘅《世界的戀人》，都係由佢作曲。

出於佢對音樂界嘅貢獻，為咗紀念佢，1990年4月設立咗《芥川作曲獎》。

老豆係小說家芥川龍之介。阿媽係海軍少佐塚本善五郎個女芥川文。佢上有兩個阿哥，分別係大佬比呂志（藝人）同二哥多加志（軍人・二戰嗰陣戰死）。而也寸志本人結過三次婚，有兩個仔女：大女麻實子（1948年7月12號ー）同大仔貴之志（1972年9月10號ー）。

呢篇同日本人相關係楔位文。歡迎幫維基百科擴寫佢。