若然聽日

若然聽日，日名もしも明日が…。，日文歌一首，女子組合童一曲，倉澤淳美、高橋真美主唱。視為民謠一類，又或童謠一類，幼稚園都唱。一九八三年，即昭和五十八年，十二月廿一號發行。組合第二張唱片，唱到日本人盡皆知，上過日本流行榜第一，賣咗九十七萬張。夠紅之故，下年八月十一號，以同名加音頭篇出唱片，兼附圖教埋人跳歌支舞。

出自萩本欽一長年電視節目舞臺戲，欽生去到幾盡。組合成員，本來就參演而出道，自然做戲中演員，萩本家啲女。故此和唱皆戲中演員，萩本家父母兄弟，有藤本正則，有真屋順子，有小堺一機，有關根勤。前一年成員高部知子，因喵喵醜聞後前男友自殺而退演退組，或因件事推高流行程度。

支曲荒木豐久作詞，三木剛作曲，佐藤準編曲。

日本有好多歌手翻唱。廣東話版本有開心少女組唱明天，孫明光唱戀愛偶像，陳奕唱如果明天。

支曲輕快，然而歌詞帶點鬱。以愛戀睇天氣做開始，睇若然聽日天氣如何，就祈求戀人會點。