荷亨佐倫家族

荷亨佐倫家族^[1]（有譯荷軒蘇蘭族^[2]、霍恩佐倫家族^[3]；德文：Haus Hohenzollern）係歐洲嘅一個著名家族，喺歐洲歷史上扮演徂重要嘅角色。

名

荷亨佐倫家族名係跟據家族祖居荷亨佐倫城堡嚟命名。荷亨佐倫城堡響1000年起好，不過原先嘅城堡後嚟畀人整壞咗，跟住由普魯士國王腓特烈·威廉四世響1819年決定重新起過。依家嘅荷亨佐倫城堡係響1850年至1867年期間起好，由建築家Von Prittwitz同Stuler改建而成。

啲人普遍譯「霍亨索倫家族」，但呢個名其實係嚟自唔正確嘅德文發音^[3]。響由周全翻譯嘅《不含傳說的普魯士》呢本書入面，認為「Hohenzollern」應該要譯「霍恩佐倫」^[3]。香港華字日報就譯「荷軒蘇蘭族」^[2]。亦有人譯「荷亨佐倫家族」^[1]。

史

荷亨佐倫家族11世紀左右喺德意志嘅舒華賓地區發跡，家族個名來自佢等嘅根據地荷亨佐倫城堡^[4] 。後來家族分裂成信奉天主教嘅舒華賓分支同信奉新教（信義宗）嘅法蘭克分支^[5]，其中舒華賓分支統治家族嘅祖地直到1849年，法蘭克分支後來先後成為勃蘭登堡選帝侯國、普魯士公國、普魯士王國、德意志帝國同羅馬尼亞王國嘅皇室。1918年德國爆發革命，帝制被人推翻，威瑪共和國成立；1947年羅馬尼亞爆發革命，成立社會主義嘅羅馬尼亞人民共和國，正式宣告荷亨佐倫家族作為王族嘅歷史劃上徂句號。

現況

荷亨佐倫家族嘅兩個分支今日都重喺道，其中舒華賓分支認卡爾·腓特烈·荷亨佐倫親王做族長，而法蘭克分支就認普魯士王子基奧格·腓特烈做族長。另外仲有羅馬尼亞分支，不過羅馬尼亞前國王米海一世響2011年話要脫離荷亨佐倫家族，並且唔承認荷亨佐倫家族一直以嚟奉行嘅薩利克法，宣佈由大女瑪嘉塔公主做族長。

註

↑ ^1.0 ^1.1 劉平 (1937)。《近代國家統一過程的硏究》。黑白叢書社。頁 88。
↑ ^2.0 ^2.1 〈普法戰影〉。《香港華字日報》。1905-09-02。
↑ ^3.0 ^3.1 ^3.2 翻譯：周全 (2017-05-04)。《不含傳說的普魯士》。
↑ Encyclopædia Britannica. Hohenzollern Dynasty
↑ Genealogisches Handbuch des Adels, Fürstliche Häuser XIX. "Haus Hohenzollern". C.A. Starke Verlag, 2011, pp. 30-33. ISBN 978-3-7980-0849-6.

[:0-1] 1.0 ^1.1 劉平 (1937)。《近代國家統一過程的硏究》。黑白叢書社。頁 88。

[:1-2] 2.0 ^2.1 〈普法戰影〉。《香港華字日報》。1905-09-02。

[:2-3] 3.0 ^3.1 ^3.2 翻譯：周全 (2017-05-04)。《不含傳說的普魯士》。

[4] Encyclopædia Britannica. Hohenzollern Dynasty

[ghda-5] Genealogisches Handbuch des Adels, Fürstliche Häuser XIX. "Haus Hohenzollern". C.A. Starke Verlag, 2011, pp. 30-33. ISBN 978-3-7980-0849-6.

[1]

[2]

[3]

[4]

[5]