莫三鼻給海峽

 莫三鼻給海峽（粵拼：mok3 saam1 bei6 kap1 hoi2 hap6） （法文：Canal du Mozambique），又譯莫桑比克海峽mok6 song1 bei2 hak1 hoi2 hap6，臺灣又譯莫三比克海峽，係印度洋西邊嘅海峽，喺非洲東南邊嘅莫三鼻給同馬達加斯加之間。佢係世界上最長嘅海峽。

莫三鼻給海峽嘅地理位置

發現史

莫三鼻給海峽（喺馬達加斯加地區望出去）

根據地質學家研究，大概喺1億幾年以前，馬達加斯加同非洲大陸連埋一齊，後嚟地殼運動，搞到島西邊出現下沉跡象，從而產生非洲板塊同印度洋板塊同呢條又長又闊嘅海峽。

概況

莫三鼻給海峽係莫三鼻給同馬達加斯加、科摩羅嘅交界，海峽最北邊係莫三鼻給嘅魯胡馬河口，經過科摩羅群島最北邊，去到馬達加斯加嘅琥珀港；最南邊係馬達加斯加嘅聖瑪麗港到莫三鼻給嘅黃金角；西邊同東邊分別係莫三鼻給大陸同馬達加斯加海邊。海峽有1600km長，平均450km闊，最闊有960km，最窄得386km；平均深度3,292m，最深有3,533m咁深。由於佢又闊又深，所以可以畀超大型輪船通過，去到好望角、南美洲東南邊、非洲西南邊等地區。佢亦係南大西洋同印度洋之間嘅航運要道。

由於佢地處熱帶，加上有條莫三鼻給暖流從北向南流過，所以兩邊唔單止熱，重好多雨落。海入面重有好多珊瑚礁響度。

有關嘅書

• 中国少年儿童百科全书 自然·环境 第215～216页　浙江教育出版社 ISBN 7-5338-1946-2/G·1942