大樹菠蘿
(由菠蘿蜜跳轉過嚟)
大樹菠蘿（粵拼：daai6 syu6 bo1 lo4；學名：Artocarpus heterophyllus）係桑科桂木屬嘅常綠大喬木，原產印度同馬來西亞。香港市內常見樹木。
 | ||||||||||||||
|---|---|---|---|---|---|---|---|---|---|---|---|---|---|---|
 大樹菠蘿嘅果
| ||||||||||||||
| 物種分類 | ||||||||||||||
| ||||||||||||||
| Artocarpus heterophyllus Lam. |
名
編輯- 大樹菠蘿
呢樖嘢係因為喺樹上邊結出嚟嘅果好似啲菠蘿噉，所以「大樹菠蘿」嘅名就係噉嚟。
- 菠蘿蜜
由於呢樖嘢嘅果甜到好似啲蜜糖噉，加上香味比較犀利、果大到好出奇先至改咗噉嘅名。
- 波羅蜜
- 波羅密
- 木菠蘿
形態
編輯佢嘅樹有廿到卅米高，花係單性，雌雄同株，雖然佢啲花比較細，但係佢啲果比較大。佢嘅果生喺樹上面，至少有25厘米直徑咁大，最長可以去到60cm到，重量一般去到20kg，最大嗰嚿可以去到40kg。呢種樹結嘅係聚花果。佢嘅結果方面都靈舍唔同，唔單止喺生咗4——5年嘅細樹嫩枝都結果，甚至喺老莖都可以開花結果。喺樹到咗老年嗰時，主根都識結果。而佢嘅核好似啲栗咁大，入面有好多澱粉響度。成樖嘢都有乳汁。另外， 呢種植物嘅香味都幾犀利吓。
用途
編輯菠蘿蜜嘅果可以當生果食，味道甜甜哋。啲核可以炒熟或煮熟當成飯嚟食，味道同芋頭差唔多。另外，佢嘅木可以做家具、木碎可以做黃色嘅染料；而乳汁重可以用嚟做樹膠或502嚟用。佢嘅樹汁同樹液可以做藥，有消腫解毒嘅功效。
古籍記載
編輯- 《虞衡志》：波羅蜜大如冬瓜，外膚礧砢如佛髻。
- 《廣州府志》：波羅樹無花結果，果成，或生一花。
有關嘅書
編輯
- 中国少年儿童百科全书 自然·环境 第410页 浙江教育出版社 ISBN 7-5338-1946-2/G·1942
- 《台灣蔬果實用百科第三輯》，薛聰賢 著，薛聰賢出版社，2003年
出面網頁
編輯- 波羅蜜 Boluomi 藥用植物圖像數據庫 (香港浸會大學中醫藥學院) （繁體中文）（英文）