萌

萌（粵拼：mang4；日文：萌えもえ^(Moe)）係ACG¹界一個近十年興起嘅術語，意思係形容動漫迷喺睇到一啲美少女角色時出現一種熱血沸騰嘅精神狀態。通常用得萌形容嘅都傾向係一啲日本漫畫嗰種大眼風格嘅美少女，而某幾類特定角色亦介定做萌元素，例如女僕、天然呆、眼鏡、關西腔、蘿莉、無口。不過萌同可愛唔同，萌只係用嚟形容美少女，唔會好似「可愛」咁可以形容埋動物或者死物。不過由於萌係一個新興嘅形容，所以佢個意思可能會因唔同人理解同用法而發展出其他意思^[1]。