朱翊鈞
(由萬曆皇帝跳轉過嚟)
朱翊鈞（1563年9月4號—1620年8月18號）係大明第十四任皇帝，1572年到1620年在位，跟廟號叫明神宗，因為年號係萬曆，又叫萬曆皇帝。一生評價兩極。
一生
編輯朱翊鈞係明穆宗個仔。隆慶二年（1568年）立為皇太子。1572年明穆宗過身，朱翊鈞繼位做皇帝。
萬曆中興
編輯朱翊鈞在位頭十五年，勵精圖治，勤於朝政，更新庶政，繁榮經濟，大明一度有咗中興嘅景象，歷史上叫做萬曆中興。
在位中期，佢亦主持咗出名嘅萬曆三大征–寧夏之役、朝鮮之役同埋播州之役，保護藩屬國朝鮮，鞏固咗疆土。
一條鞭法
編輯内文：一條鞭法
1581年，宰輔張居正推行嘅一種簡化稅制，首先查勻各縣田畝同丁男，將所有稅都折算成銀両，唔再係收實物。而收幾多稅，就睇有幾多畝地，唔理田肥田瘦，因為只係收銀両，咁就可以直接交畀官府。對後世好有影響。
萬曆怠政
編輯張居正死後，神宗先至開始親政，因國本之爭等問題而倦於朝政，從此唔上朝，國家運轉幾乎停擺，徵礦稅亦被評為一大嘅弊病。
仍在位期間，朝廷裏面嘅東林黨爭開始萌芽、塞外又有後金鐵騎虎視眈眈，喺佢嘅晚年佔領咗東北大部分地區，搞到大明退守山海關，最終走向滅亡嘅局面。
1620年，明神宗過身，由佢個仔明光宗朱常洛繼位。