雪

雪syut3（英文：snow）係由雲降落嚟嘅結晶水，通常係一啲好細嘅冰變成嘅雪花。雪花之間有好多空位，所以雪感覺好軟，除非質實佢。

雪係大氣中水蒸汽響零度之下整成，最後落雪到地。雪花無雨點咁實，所以雪花係發得開過雨點啲，八份雪只有一份雨咁多水。

鏟雪

人手鏟雪

政府用嘅大型鏟雪機

喺市區，落咗嘅雪會喺一段時間之後被鏟走，等城市可以正常運作，即係可以如常返工返學等等。鏟雪可以人手用雪鏟鏟（鏟雪嘅部份用膠做，等唔會刮花路面），或者可以用鏟雪機。經常落雪嘅地方可能有法例規定要居民自己鏟走屋企前面嘅雪，但係馬路同高速公路嘅雪就會由政府鏟走。