馬路嘅古今意義有別;「馬」字所指完全唔同。

「馬路」一詞之中個「馬」字,係英詞「macadam」音譯「馬卡丹」嘅簡稱。「macadam」嚟自蘇格蘭人約翰•勞登•馬卡丹(John Loudon McAdam);佢發明咗種起路方法——用唔同大細嘅碎石分層噉舖,中間偏厚,表面平兼闊,又易於排水。[1]响十九世紀末,歐美列強喺中國數城設租界,引入咗呢種技術。後嚟,「馬路」變咗用嚟指由上者改良而成嘅各種汔車用道路之名詞。「馬路」嘅定義依歸,以用途為主;就算所用材料同結構一樣,行人路單車徑等都唔叫「馬路」。[2]

「馬路」解寬闊平坦可行車馬嘅道路。[3]「馬路」一詞可以追溯至春秋時期,响公元前212年,秦國修建咗條長八百公里,闊三十米嘅秦直道,連接咸陽同邊疆,方便軍隊,尤其是馬車同騎兵,速速通行,去同匈奴打仗。[4]