葉子戲

葉子戲係中國古代一種紙牌遊戲，傳說係漢代大將軍韓信為咗幫士兵解悶而發明出嚟，由於啲牌好似樹葉咁大，所以就叫做葉子戲。

據講葉子戲係啤牌嘅前身，葉子戲以曆法將牌分為『以、像、四、時』四類，同啤牌嘅四種花色有啲似 。

不過亦有人話葉子戲係喺唐代一個好出名嘅天文學家張遂（一行和尚）發明出嚟畀唐玄宗同宮娥玩。而葉子戲去到清代已經算發展到好完善。李約瑟博士喺《中國科學技術史》入面，都話啤牌係中國人發明 。