葉定仕故居香港沙頭角蓮麻坑,大概喺1907年起,係蓮麻坑村葉氏第八代葉定仕出錢起。葉定仕喺1890年代初加入同盟會,積極支持孫中山嘅革命活動,因為咁葉氏起屋嗰時都跟孫中山翠亨村嘅故居咁起。葉定仕故居嘅歷史背景同建築風格好有價值,葉定仕故居曾被香港古物古蹟辦事處評為二級歷史建築,而政府喺2009年11月刊憲,將故居升級為香港法定古蹟

葉定仕故居

建築 編輯

葉定仕故居混合咗中西建築風格,用木材同青磚起。房屋外觀係意大利式建築風格,設計簡約對稱。成棟建築樓高兩層,每層各有3間房,正立面設有門廊,並用方柱支撐住上層嘅陽台,而陽台嘅欄桿就用琉璃花瓶做裝飾。屋頂就用中式金字瓦頂,而外牆就劃上吉祥圖案嘅壁畫。

故居由1967年之後丟空,屋裏面物品被人搜掠之後,大多數已經散失,連葉定仕嘅個人資料都消失無蹤,包括佢當年參與同盟會嘅文件。而家大屋日久失修,屋外雜草叢生,露台走廊木板爛溶溶,連外牆都需要木條固定支撐住,避免倒塌。

出面網頁 編輯