葉非英
葉非英（1906年—1961年），原名葉毓茂，字士平，曾用名葉一茅、葉景，係中國嘅革命家、教育家同出名嘅右派分子。俾中國文學大師巴金喻為：「我哋嘅耶穌」[1]。
生平
編輯葉非英係漢族人，喺廣東省東莞縣道滘永慶度出世。佢喺東莞中學畢業，1923年考入蔡元培等主辦嘅北京世界語專門學校。1926年佢響廣州農民運動講習所同澎湃交往密切，隨後到廣西省立第三師範學校任教，「中國現代民族學奠基人」嘅黃現璠即係葉非英響三師任教嘅學生。非英響三師教「世界語」等課程，同時兼任廣西省政府出版嘅《革命之花》周刊編輯。
1927年「四•一二」事變發生嗰陣，廣西省政府要緝拿葉非英，佢由下水道逃出南寧，投奔韋拔群，化名「葉一茅」，任東蘭第三屆農講所教務長，負責具體安排農講所嘅課程，亦教《倫理學》、《哲學》等課。後隨韋拔群參加鄧小平、張雲逸組織嘅百色起義。雷經天響回憶文章中話：『1926年右江……農民運動嘅聲勢最大，震撼全省。國民黨廣西黨部嘅農民部長陳協五，無政府主義者葉一矛，都想將東蘭、鳳山同右江各縣嘅農民運動攞到自己嘅手裏來，歸佢哋控制』。舊時國民黨廣西省主席黃紹竑亦講過：『我身邊嘅人都話葉一茅係廣西嘅無政府主義代表人物之一，睇佢響《革命之花》周刊上發表嘅嗰啲嘢，即可知佢嘅觀點同共產黨人大同小異。聽講當時嘅無政府主義信徒同馬列主義者爭吵不休，但對我哋嚟講：兩者係一路人，都要推翻政府』[2]。百色起義失敗後，佢被捕入獄，後越獄潛逃至香港，響《大同日報》任職。
1930年，佢響福建省泉州黎明高中任教，連埋響平民中學兼課。1931年，佢轉為平民中學教師，並協助主持平民中學工作。1935年，葉非英協助改辦民生農校，先後響農校任教師、校長。1939年，佢倡辦《大眾報》，任發行人，名「葉景」。1930年到1947年，葉非英響福建泉州從事辦學、辦報、搞學運、搞農運，長達十七年咁耐。佢畢生全身投入人民教育事業，爲咗集中精力辦好學校，佢冇結婚，冇子女。學校即係佢嘅家庭，學生即係佢嘅仔女。佢生活儉樸，不修邊幅，唔抽煙、唔飲酒、唔飲茶、只喝開水。佢響學校只攞最低生活費。身上一有啲錢，就攞去幫助經濟困難嘅學生。佢對教育嘅探索同改革響泉州嗰度好有影響。
1949年，中國共產黨取得中國。佢返穗同陳洪有、朱賢錦等商量，成立咗新民中學。1950年，葉非英參加中國民主同盟。1953年夏，新民中學同千頃中學合併，成為廣州市第十四中學。葉非英任教導主任，教育工會主席。1954年前後，佢被評爲教育先進工作者，並當選為廣州越秀區第一屆人大代表。
1957年響大鳴大放嗰陣，葉非英為一位罪不該誅嘅朋友鳴不平，結果響1958年反右運動中被錯劃爲右派分子，並以歷史反革命罪送勞動教養。1961年，因自然災害，糧食失收，佢響勞教所食唔飽，食地瓜藤，身體極度衰弱，肚痾不止，冇得到治療而死響勞教所。死後場方宣布勞動積極分子嘅名單重有佢個名。1983年5月，經廣州市教育局黨委複查，廣州市公安局批准，撤銷廣州市公安局1958年7月19號對葉非英以歷史反革命罪送勞動教養嘅決定。
葉先生舊時嘅老友巴金響自己嘅散文集《黑土》中稱佢係「我哋嘅耶穌」。1986年，巴金響病中寫咗《隨想錄•懷念葉非英兄》一文，講道：『病中無眠，時常睇到那張瘦臉，我唔由得想到佢嘅無私嘅苦行。佢嘅一生係只有付出，冇收入嘅一生，將心比心，我感到十分慚愧』。
1988年，泉州平民中學、民生農校校友會響民生農校設立咗「葉非英圖書館」，響泉州法石海印寺附近山上建立咗「敬師亭」，紀念葉非英等先師。亭中懸掛葉非英嘅紀念石匾，匾上刻有葉非英嘅事略，並附石雕半身像[3]。
2002年，呂孫博先生為紀念培育佢嘅恩師葉非英，慷慨捐資五十萬元，響黎明大學建立「葉非英獎學金」，以表達對葉非英永久嘅懷念。