葵興

葵興（Kwai Hing），香港一地，喺新界葵涌，名出自葵興邨。原為葵涌填海地。香港政府本來打算以葵興之地，建做葵涌新市鎮之中心，之不過當年大量難民，兼且生育甚多，人丁暴脹，急於建屋。於是起咗大量公共屋邨，格局鬆散。今日葵興並唔算好旺。依家有葵興邨、葵興地鐵站、新葵興花園、新葵興廣場、葵興政府合署、葵涌中心、葵俊苑，葵康苑等。

葵芳北望葵興。右下為葵芳邨。中央為葵興地鐵站。中央偏右高樓為新葵興花園。再右黃色高樓為葵康苑。後面遮咗葵興邨。

葵興只係因為就近葵興邨而名，未叫葵興之前，都係歸入葵涌。一般只限於一帶住宅區，而過葵涌道嘅工廠，並唔視為葵興。而係大連排道工廠區，工廠區本為葵涌鄉村農地，並非填海地。葵興邨北面，有光輝圍私人樓，睇成葵興廷展都得，但一般只叫光輝圍。

葵興以南葵芳，同為填海地，依家反而較旺，有葵涌市中心氣象。