蒲谷

蒲谷（粵拼：pou4 guk1）係中國廣東省廣州市嘅一個景區，喺白雲區嘅白雲山景區南邊，雲臺花園門口嗰度入去1.2公里路程就到。呢個景區曾經喺宋元清時期，因為攞過羊城八景嘅「蒲澗濂泉」先至畀人知。以前2001年底嘅亞洲電視劇——《騷東坡》就有一部分場景喺呢度影過。

名

廣州藝博院喺2015年2月11號——2015年3月11號期間搞嘅羊城八景展覽入邊講嘅「蒲澗濂泉」，嗰度真係講咗同蒲谷之前有關嘅所謂「蒲澗寺」同「濂泉」嘅嘢。

相傳喺大秦嗰時，有位嗌鄭安期嘅仙人成日喺呢度摘啲菖蒲返嚟煉藥。點知呢個溝度生咗好多菖蒲響度，所以「蒲谷」嘅名就係噉嚟。

有位嗌鄭安期嘅先秦方士喺白雲山嗰度摘藥嚟行醫，結果佢喺嗰度摘嘅九節菖蒲返嚟，就救咗好多危重病人。後嚟佢有一次喺呢度摘藥嗰時就唔小心跣低跌咗落山，不過好彩俾隻仙鶴托返上嚟而變成仙，啲人就話佢係「鄭先翁」。後嚟啲人就喺呢度搞咗間鄭先寺出嚟，重將每年嘅農曆七月廿五號搞蒲澗節。

喺宋朝嗰時，蘇東坡就嚟過蒲澗嗰度玩。曾經重寫咗噉嘅詩：

「	昔日菖蒲方土宅，後來薝匐祖師禪。如今只有花含笑，笑道秦皇慾學仙。	」
——蘇軾·《蒲澗寺》

後嚟蘇軾搬咗去惠州就聽話廣州發生咗瘟疫，先至寫咗封信話畀知州嘅王古，話嗰度啲水好邋遢，建議將蒲澗啲水引到廣州入邊。結果呢個建議，搞到個瘟疫越嚟越少，之後好長時間都冇出過單瘟疫。

喺古代嗰時，民間傳說重有得話因為食咗蒲澗嘅九節菖蒲可以長生不老。

蒲谷嘅濂泉一景

而家呢個景區入面有比較響嘅流水聲，加上附近都係一片森林，所以空氣比較清新。而負離子方面，可以去到成10000個／cm³。佢係一個自然同野趣嘅熱帶山谷雨林景區。入面重有濂泉同茗味軒餐廳響度。

濂泉係蒲谷東邊嘅一條飛泉，好似條簾嘅掛壁噉。之前嗰時嗌嘅係「簾泉」，後嚟俾人話成「濂泉」。